In Praise (Manqabat) of Imam Reza (A.S.)

By: Sakina . K . Bhojani
Aisa dunia me koi Banda-e-Rehman nahi
Jispe Sultan-e-Khurasan ka ehsaan nahi
Is tarah teri kareemi pe yakeen hai mujhko
Jaise Tawheed me shak ka koi imkaan nahi
Waa gayi fikr meri madhe Reza (A.S.) ki khatir
Jahan Jibreel ke jaane ka bhi imkaan nahi
Shaikh ji madhe Reza (A.S.) sunke ye hairat kaisi
Kya suni thumne kabhi Sura-e-Rehman nahi
Tere darbar me bajti hui naubat ki qasam
Kam Azaano se teri jeet ka elaan nahi
Har ghadhi lab pe mere naame Ali (A.S.) rehta hai
Kaun kehta hai ke mai Hafiz-e-Quran nahi
Milgaya jab teri khuddami ka tamgha isko
Ab teri Mir Hasan ko koi armaan nahi