Home Islamic World Muslim Women Aabshar-e-Noor
  Services
   About Us
   Islamic Sites
   Special Occasions
   Audio Channel
   Weather (Mashhad)
   Islamic World News Sites
   Yellow Pages (Mashhad)
   Kids
   Souvenir Album
  Search


Aabshar-e-Noor

Poems in Urdu by Fatima Zabeth Beenesh, Hyderabad, India

Ya Nabi
Ham musalmano ko ab wahdat ki taqat dijye
Manqabat
Vo Arab ki sarzami地 aur vo jahalath qaum ki
Aap ki qurbaniyan aur vo adaavath qaum ki
Thi tabahi ki taraf dunya haqiqat bhul ke
Apne gulshan die unko hasi地 har phulke
Aap par bheje hain rab ne kitne salwat-o-salam
Jahil-o-gumrah ko bheja hai neki ka payam
Be kason ko aap se milta hai izzat ka jaha地
Hai mulsalmano地 ki dunya ap hi se asmaa地
Hai musalmanon ke dilme ek taaqat apse
Har pareshani me aafath me hai himmat apse
Apki hai justaju hardam mere ahsas ko
Jo amal bhi mujhse ho vo apki rahon me ho
Fakhr hai Allah ko bhi apki vo zath hai
Asman par gunjthi salwat hi salwath hai
Bhejte hain sab malaaik aap pe salwaath hi
Ye durud unki masarrath aur khushi hai ya Nabi
Ae Nabi Allah k ghar ye sifaarish kijiye
Ham musalmann ko ab wahdat ki taqat dijye
Paikar e Islam zakhmi aur ham hai be khabar
Dije ansu地 me hamari Ya Nabi abto asar
Ansuon k sath ankhon se ye khoon-e-dil ba檀e
Dil hamara ho na gafil aur nazar raushan rahe
Nind hai gahri ye gaflath ki hamari Ya Nabi
Barh gaee Islam ki ab be qarari Ya Nabi
ho地 na kam ye hausle hamko dua ye dijye
paikar e Islam ki Agha hifazat kijye
apki hi raah par hon gaamzan ham Ya Nabi
khatm hojaen hamare jo bhi gham hon Ya Nabi

Ali hi Ali hai
Manqabat
Jahan me hamara Ali hi Ali hai
Ye alam hi sara Ali hi Ali hai
Hai bebas ko ik as dunya me un se
Bas uska sahara Ali hi Ali hai
Ho地 be chain kiun kar andhere jahan me
Ke suraj hamara Ali hi Ali hai
Do alam hain raushan Ali hi k dam se
In ankhon ka tara Ali hi Ali hai
Hai ahsas me vo hai har sans me vo
Hame地 sab se piara Ali hi Ali hai
Hai piason ka saqqa hai taskeen muztar
Ye dil ka sharara Ali hi Ali hai
Na parvah hai toofa地 se koi Beenesh
Hamara kinara Ali hi Ali hai

Ya Fatima Zahra (A.S.)
Hai tamanna ye Fatima Zahra
Hashr ke din tum apni chadar ka
Dal do hampe mehrba地 saya
Waqt hamper bura agar aya
Ya ilahi kare地 ibadat ham
Hausle ho地 na kabhi isme kam
Ham hifazat karenge parde ki
Cha檀e ho mushkilat kitni bhi
Roze mahshar jo rubaru honge
Ahl parda Janaab-e-Zahra ke
Fakhr se uncha unka sar hoga
Aasra de地 jo apni chadar ka
Isi chadar ki to, panah me ham
Sue jannat rava地 rahen janam
Fatema yad rakhna Beenesh ko
Hashr me ilteja hai mat bhulo

Parcham-e-Zainab (A.S.)
Manqabat
Shabbeer ke parcham ko Zainab ne uthaya hai
Yu地 azm e Husaini ko Zainab ne barhaya hai
Islam bachana hai aur khauf na khana hai
Mazlum ko dunya me Zainab ne sikhaya hai
Tum jago Musalmano ta hashr ye kahti hai
Gafil ho Musalman gar Zainab ne jagaya hai
Zaalim ko kia rusva aaho地 se jo Zainab ne
Aj unka hai khoon taaza dunya ko bataya hai
Qatil ko mere Zainab nifreen na karna tum
Ye qaul bhi khehar kia khub nibhaya hai
Rumal ko ashkon se ta hashr rakhenge tar
Ye thaan ke Beenesh ne aprcham ko uthya hai

Lijiye Abbas (.S.) ab salam mera
Manqabat
Aap hain haajato地 ka darwaza
Lijiye Abbas (.S.) ab salam mera
Thamye baazu ko mere, gurbat me
Apke piyar se hai dil zinda

* * *

Magar Qur誕n ko apnana hai dunya me bhot mushkil
Ba地ega pairave Qura地 karega do jaha地 hasil
Jie ga sar uthake is jaha n me hoga tu fazil
Ke Qur誕n pardke ruho地 ko bhot asa地 hai ham bakshe地
Magar Qur誕n ko apnana hai dunya me bhot mushkil

Hai iftekhar hamko Iran ke shahido地 pe
Haq aj bhi zinda hai dunya ko dikhaya hai
Kia khub ran se tumne dushman ko bhagaya hai
Dunya thi muqabil me aur ek the tum tanha
Do dard e Husaini tha dunya ko bataya hai
Ghar bar apna chora khushyon se mu地 ko morha
Qurbaani ja地 ki deke Islam bachaya hai
Ho aaj tak bhi zinda tum qaum ki nazar me
Jaa地 bazo tumko ab tak har dil ne basaya hai
Hai iftekhar hamko Iran ke shahido地 pe
Soee hui ummat ko ja地 deke jagaya hai

Zinda Javeed Shuhada
Haq aj bhi zinda hai dunya ko dikhaya hai
Kia khub ran se tumne dushman ko bhagaya hai
Dunya thi muqabil me aur ek the tum tanha
Do dard e Husaini(A.S.) tha dunya ko bataya hai
Ghar bar apna chora khushyon se mu地 ko morha
Qurbaani ja地 ki deke Islam bachaya hai
Ho aaj tak bhi zinda tum qaum ki nazar me
Jaa地 bazo tumko ab tak har dil ne basaya hai
Hai iftekhar hamko Iran ke shahido地 pe
Soee hui ummat ko ja地 deke jagaya hai
Hai lala zar Iran Shabbir (A.S.) ka chaman hai
Tumne Husaini (A.S.) parcham Iran me uthaya hai
Kaise bayan kare地 hai qurbaniyan shaheedo
Har yaad ko tumhari ashkon se sajaya hai
kardenge jaa地 nichavar aabad rakha地ge ham
apne lahu se tumne gulshan jo sajaya hai
peetenge apna seena roenge aaj unpar
Islam par jinhonne khoon apna bahaya hai
Hathon ko uthakar ham ab ao kasam khaen
Ja地 denge Nabi(S.A.W.) par ham ye waqt vo aya hai
Hamrah unke Beenesh roenge umr bhar ham
Deen par jinhonne dilke tukhron ko lutaya hai

Hyderabad ho tu payendah
Nek shaho地 ki ye nishani hai
Hyderabad ki kahani hai
Ae Muahmmad Quli khuda tujhko
Kare firdaus ik ata tujhko
Neki hai Qutb Shah ki qaem
Unki izzat dilo地 me hai daem
Hyderabad Qutb Shaho地 ka
Mahnato地 se hi unko aj mila
Ye minaro地 ka shaher kahlae
Jo inhe dekhe dang rahjae
Isne har quam jo samethi hai
Jaise Hindustan ki beti hai
Hyderabad choti si dunya
Hamko tohfa khuda ne ye bakhsha
Teri tahzeeb ka javab nahi
Azmato地 ka teri hisab nahi
Dekhana chahthe ho dunya ko
Hyderabad hi ko aa dekho
Hyderabad hai hasee地 apna
Dilki dharkan bana mera sapna
Hyderabad jo bhi ata hai
Uska girveeda hoke jata hai
Hyderabadi hai zaban meethi
Bardi shohrat jahan me hai iski
Hyderabad ke gira地 gauhar
Vo rahe地ge sada mere sarvar
Barakto地 ka shahr hamara hai
Ye garibo地 ka ik sahara hai
Hyderabadi hai diler apna
Jo sakhawat main bhi hai dilvala
Hyderabad meri jan hai tu
Aur shafaqqat me jaise maa hai tu
Hyderabadi meherban hai sab
Ulfaten hamse dur hongi kab
Isne apne haseen daman se
Khushnuma gul die hai地 gulshan se
Ae khuda dushmanon ki sazish se
Hyderabad ko amaa地 dede
Shukria tera ae meri maadar
Hyderabad meri ja地 parvar
Ao ulfath se ham basaen ise
Khub se khub tar banaen ise
Ao dunya me ik misal bane地
Ba wafa hoke ba kamaal bane地
Asmano地 me ho teri shohrat
Teri aaghosh me mile raahat
Hashr tak nam tera ho zinda
Hyderabad ho tu payendah

Ghazal
tavajjo ke tere tohfe mujhe kia kia nahi milte
ishare har nafas dilse tere kia kia nahi milte
tara'ne,husn,sheereeni,mohabbat ,kaef, hairani
hasee'n tohfe mere mahbub se kia kia nahi milte
mujhe ab chahiye kia aur jab tu hai meri manzil
suku'n k vo hasee'n lamhe mujhe kia kia nahi milte
jahan unka hai karte hain vafaen varna dunya ke
ye khudbee'n ko vafa ke raste kia kia nahi milte
hare to'te me ja'n hai is bahadur marde maidan ki
niqabon me adu is jan k kia kia nahi milte
hae maida'n ek tanha teri yado'n me tarapte hain
sita're gam k ma're jab ha'me kia kia nahi milte
kinarakash hai kiun mahbub mere varna ae Beenesh
mohabbat k ishare sab tere kia kia nahi milte

Ghazal
haseen bachpan ka ek vo ghar tu dede
khudaya ik phir aisa dar tu dede
yahan ab koi kia dega kisi ko
jahan tu hai vohi manzar tu dede
gunah kam hongi jab kam hon umiden
vo raushan mujhko ik chader tu dede
na dena intezaron se vo jannat
tera daaman bas ae dilbar tu dede
hai tere vaste khushbo hi Beenesh
bina minnat ki jannat gar tu dede

Ghazal
chorde dunya ko jab muhbub dilbar sath hai
aaina shaffaf dilka tere jab gar sath hai
mujhko qatron ke ava'z darya dia ae nazneen
bebasi me tu hi ek taskeen dekar sath hai
talkhiyan hoti'n hain kia ek muntazar se poochiye
dard e furqat ajkal insa'n k aksar sath hai
be rahem us dasht ko ik pias ne zinda kia
peshavar is daur me vo pias ka ghar sath hai
kuch na bole lab magar dilki tarap ne ye kaha
garche hun tanha mai beenesh tu barabar sath hai

Ghazal
sab sitare hain ashk daaman ke
asman bichh gaya hai palkon pe
raah me teri apna sar rakh ke
ik jahan paaliya tujhe paake
bangae gulsita'n ye ashk e vafa
beneeyazi mili ye dunya se
tere dar ki hai khak mera sar
vohi ulfat ka bhara dil leke
chaen de thishnagi bujha akhir
jaam tu me'ra aaj bhardeke
waqt hota hai jab duaon ka
log sote hain bekhaber hoke
hai nasha yad teri ik beenesh
chahiye kuch nahi ye dunya se

Ghazal
kahan insaf sab zer o zabar hai
k is maahol me khun e jigar hai
sitaro'n se tu bharde mera daaman
ye lamhon ka sada dil muntazar hai
mujhe tu chahiye bas ek tu hi
suku'n hai har taraf tu pas gar hai
tarapta hai teri furqat me ye dil
mere har dard ka tu chara gar hai
ye zanjeeren ye sehra ek tanha
shikayat aadmi se be samar hai
nigahen morli apni jahan se
mulaqaton ka teri vo asar hai
nahi dil lagraha hai aj beenesh
siva tere vo sab se be khaber hai

Ghazal
mangtha kaun hai aadha piala
mujhko dena ho to bharkar dede
husn hi husn hai har su tera
dekhne ki bas ek nazar dede
bazm ki gaflaton ko bakhsh ke tu
teri basti me ek ghar dede
mangthe hain tujhi se tujhko ham
hamnashini mujhe to gar dede
sar hai zanu pe tere rote hain
kuch to ashkon ka ab samar dede
aasmano zameen ka tu hasil
ab to aho'n me kuch asar dede
teri furqat hai beebasi Beenesh
raushni hauslon ka dar dede

Ghazal
subah ka nasha ae khuda kia nasha hai
sukoon har taraf hai mu'attar faza hai
malaik ne lae navazish ke tohfe
aur insan ye behoshiyon me parda hai
tabassum gulon ka jo dekha to dilne
nigahon ko ashkon ka tohfa dia hai
ye kaisi fiza me gazal kahrahe ho
na gul hain na bulbul ye kia maajra hai
saza milrahi hai jo hamko shaher me
ye sarzad gunah hamse kaisa hua hai
samandar ki toofan me tanha safar hai
mohabbat me kya kya nahi tae kia hai
zameen dilki Beenesh falak bangaee hai
farishton me insan ye jaise kharda hai

* * *

Ghazal
tere nazon ki dilbar justaju hai
hasee'n daaman ki tere arzu hai
kaha'n hai husn bin tere jaha'n me
meri dharkan khushi ka rang tu hai
jahan ki jaan hai tera tabassum
tera har naz dilki abru hai
ae sheeri'n dilnashee'n khamosh kiun ho
meri nazron me tu hi char su hai
nazar teri hai dilka chaen Beenesh
rava'n ulfath me teri ye lahu hai

Ghazal
hasee'n lamhat the vo apne saare
tumhare milrahe the jab ishaare
teri qurbaniyan sabr o tahammul
qayamat tak hai dilme sab hamare
misal ek bangaee teri vafaen
mohabbat se bhare dilko hain piare
sivae sabr ke dunya me kia hai
hain saare hausle tere sahare
tere sab rang jo dekhe nazar ne
hai taskeen meri Beenesh ye nazare

Ghazal
Koi Tanha
haseen is jahan me na hoga vo tanha
nazara jo naazon ka dil karraha hai
musalsal andheron ki khamoshiyon ka
sukoon ye na tute ye dil kahraha hai
hai sae bhi hamrah is raushni ke
mai tanha kahan hun koi kah raha hai
haseen ye adaen hain sayon ki kitni
koi muntazar ek dilbar kharda hai
samandar ki bechainiyan dil ne bharke
jaziron me hasrat ki vo chalraha hai
hai parwaaz unchi meri aasma'n me
mohabbat ka daaman jo apna lia hai
ye sheron me ahsas tere hain Beenesh
tere dard ka ek chahra bana hai

Tajalli
ye ashk e tamanna hai teri tajalli
suku'n ye sahar ka hai teri tajalli
fiza ke taranon ka dil hamnava hai
ye dil ka dharakna hai teri tajalli
jo parvaz ka josh laee hai dilme
ye piari si chirdya hai teri tajalli
naee zindagi hai tarannum me unke
ye jeena sikhana hai teri tajalli
nava se hai unki nasha is fiza me
ye gam ka mitana hai teri tajalli
naee rah dilko batane vo gam me
parindon ka aana hai teri tajalli
ke tazeem dilne kia unki Beenesh
ye chirdyon ka gana hai teri tajalli

Ghazals
tasalli ho Beenesh meri dharkanon ko
tere laal honton ne talkhi jahan ki
palak ke jhapakne me shireen banadi
ye zulfe parishan shanon pe tere
mere ashk e paiham ko hardam jagah di
ravan hai ragon me lahu ulfaton ka
ye ashk tammana tarap ke bahadi
nahi chaen dilki tapish ko zara bhi
teri yad shonon ko hardam hava di
tasalli ho Beenesh meri dharkanon ko
zameen pe har ek qatra e dil sajadi

ke goya mera asmaanon me ghar hai
teri ulfaton ke paron pe safar hai
ke goya mera asmaanon me ghar hai
nazaron ko tere mai daman banalun
ye agosh jab ho mai tanha kahan hun
samandar ka toofan hai dilka dharakna
jahan arzu ke jazeeron basna
samandar ko nazron me ek din mai bharlun
ke maujaun se dilki har ek bat karlun
samandar ho bechain qadmaun ke neeche
jaziren bhi hojaen dil ke dareeche
mohabbat ki kohsaar pe ho thikana
bulandie parvaaz karke hai jana
sada ye tamannaen karti hain baten
teri yad me sab guzarti hain raten

Jhut se kya urooj paoge
Jhut jo aj tum apnaoge
Kis tarha khud se guzar jaoge
Aapko khud se dur karkarke
Kis tarha bekusur tum hoge
Pas aane ko aap khud hi ke
Umr bhar kya bataoge bhagoge
Khud se bezaar hote jaoge
Khud se khud ko jo dur paoge
Apni nazron me hoke khud hi khaar
Paoge is jahan me tum kab pyar
Zindagi talkh hoti jaegi
Aur bebas tumhe banaegi
Roz o shab khud hi ghut te jaoge
Jhut se kya urooj paoge

Pahla Qadam
Aadmi aadmi ko kaise dagha deta hai
Be gunahi ki badi usko saza deta hai
Kitne mushkil hain qadam pahle ke do char yahan
Har koi hiile insa地 ko hara deta hai
Cheekhta hai koi peeche se, to koi usko
Samne aake khare hoke hata deta hai
Kohniyan marta hai koi use bazu se
Zor deke use bazu se gira deta hai
Apni manzil pe pohnchne ke liye vo Beenesh
Khudko himmat ka iradon ka banadeta hai

Kiun kisi dil ko tu rulaata hai
Dil hai kia khud vo ek paikar hai
Gam o ahsas ka jo maz檀ar hai
Ek sangeen jahan rakhta hai
Kis ke hathon se bhala uthta hai
Chahtha hai har ek sambhale use
Aur qaabu me apne la値e use
Ek jahan hoke dil hai sheeshe ka
Karo lakhon jatan ye tu稚e ga
Dil ka lena yahan nahi aasa地
Dard ka ikse, hai kahan darman
Hai samander si chashm-e-tar isme
Koh jaise hain gam ke ghar isme
Pyar ki rahen ye jo rakhta hai
Bagh se ulfaton ke sajta hai
Ilm ka asmaan hai isme
Band saari khudaee hai isme
Jazbe toofan jaise rakhta hai
Zilzilon ki tarah tarapta hai
Hai sada dilki baat dunya me
Hashr tak hai hayat dunya me
Dil se parwaz admi ko mili
Dil ho zinda to jan me jan aee
Ka鍛a-e-dil ko ko kiun tu dhata hai
Kiun kisi dil ko tu rulaata hai

Kahan hoga ulfat ka aisa jahan
Na razi hai bhai se bhai yahan
Behen se behen ki hai nafrat ayan
Na beta kabhi kush hai ma地 bap se
Hai biwi ko shauhar se ulfat kahan
Nasihat pe hoti hai ma地 baap ki
Pardhi likhi beti ki lambi zabaan
Na dilchaspi shauhar ko biwi se hai
Na bete se Khush hai zamane me ma地
Banate hain phir bhi vo rishte nae
Mile ya na hasil ho us se amaan
Koi khush hai unse to naakush koi
Rishton ke khisse kaen kai bayan
Jo aapas me razi hon Beenesh sabhi
Kahan hoga ulfath ka aisa jahan

In trashe pattahr se kiun jahan basathe hain
Pattharon se ye insan dil bhot lagata hai
Ek bhari daulat ko kis tarah lutatha hai
Vo tarash ke patthar suraten banaata hai
In tarashe patther se shaher ko sajata hai
Shaher ka gareeb insan dekhta hai jab inko
Hoke khush bhot dilme bagh ek khilata hai
Bache sab garibon ke dekhte hain hairat se
Bhuk se agar inka pet bilbilata hai
Kia aham nahi hota mulk ka gareeb insan
Inse koi hamdardi kiun nahi jatata hai
Pattharon se kia barkhe admi nahi hote
In trashe pattahr se kiun jahan basathe hain

Kia dunya ne haq mana hai?
Raftaar jahan ki yun dekhi
Ho mauj samandar me jaisi
Nas nas me hai meri tu hi
Ulfat ki hai teri basti
Hamko hai chadar hi piari
Mahfuz hai isme har beti
Te池i ulfat rakkhe jo dil
Hoga jeena uska kamil
Ghar ik aala tum paoge
Qurbani dunya ki deke
Bhule ga dil tujhko kaise
Maznil ek teri apna ka
Beenesh kia hamne jana hai
Kia dunya ne haq mana hai?

Tu badalta raha ae kash badalte ham bhi
Naya mausam naee umeed lie ata hai
Bas dilase pe dilase vo die jaata hai
Mausam aa aa ke to bahlate rahe dilko magar
Ham umidon ko lie peete rahe khoon-e-jigar
Piari chirdya teri avaaz lagi piari si
Tu bhi to lagti hai ham jaisi thaki hari si
Ham zaban teri tarah koi nahi hai apna
Bardi parwaz hai apni bhi barda hai sapna
Hamzaban hota mera jo koi tujhsa maasum
Ek jannat meri banjaata jahane maghmum
Tujh se shikva nahi mausam ye hai kismet apni
Tu badalta raha ae kash badalte ham bhi
Jo dunya ki ulfat ko rakhta ho ae dil
Na hoga vo teri mohabbat ke qabil
Zameen ki mohabbat me insan hai hardam
Magar aasman hi hai insan ki manzil

Justuju ho jo ye dil me to na harenge ham
Zindagi ko teri ulfath me sanvarenge ham
Rat din nam tera dilme pukarenge ham
Husn ne teri zamane ko sanvara hai bhot
Rang dekar tera is dil ko nikharenge ham
Khush numa barg hansi hai teri rang-e-alam
Jis se har baar e giran dil se utarenge ham
Pas aega mere khuaf ka saya kiun kar
Teri chahat me har iblis ko marenge ham
Teri manzil ki tamanna me hai Beenesh bechain
Justuju ho jo ye dil me to na harenge ham

Kaisi dunya ki lie arzu ham jeete hain
Kaisi dunya ki lie arzu ham jeete hain
Khuaf ka gham ka bhara jam yahan peete hain
Ae jahan teri javafaon ka ho shikva kiun kar
Teri fitrat hai yehi hont ham bhi seete hain
Ae sham
Kia hua dard mila bebasi ka jo hamko
Sabr bhi sath mila dard ka gham kaise ho
Sham hai vaisi hi suraj ki hai vohi surkhi
Intezar apna vohi aur hai vohi be chaini
Ae hava弛 jo guazar jati ho khushyan lekar
Jata jate hue jao mujhe kushyan dekar
Ae falak aur haseen barg zara samjhana
Chaen aega mere dilko kahan batlana
Kab talak sath tumhara hai mujhe samjhana
Sath rahna hai tumhe dur nahi hai jana

Dua
Ae khuda chaen de mere dilko
Paas ab mere karde manzil ko
Ae khuda tu hamara rahman hai
Hae kya sust apna eema地 hai
Ek nukte pe khardi hai laikin
Khub dunya ye badi hai laikin
Chiz har ek khub surat hai
Dekhne ki magar zarurat hai
Tu sa知aja meri nigahon me
Yun asar ae meri aahon me
Teri khushbo hai meri rahon me
Tu hi dikme hai aur nigahon me
Tujh pe sab kuch lutaane ae the
Tera banne ki kasme地 khae the
Be khabar bangae hain khud se magar
Rat din pee rahe hain khoon-e-jigar
Sabr manga hai zar nahi tujhse
Koi shikva magar nahi tujhse
Kiun aseeri me ranj kart hain
Jeete ji zindagi me marte hain
Ham to jeete hain aas mein teri
Aur marte hain pyaas me teri

Ham nasheen-e-Musa alaihis salam
Toor par rabb se ye Musa ne kaha
Ham nashee地 hai kaun jannat me mera
Kaun hai banda jo hai sathi mera
Nam kia hai aur pata uska hai kia
Sunke Musa se Khuda ne ye kaha
Vo hai ik qassab tere shahar ka
Hai mehelle me fula地 uski dukaa地
Tumko milna hoto to jao tum vaha誕n
Shauq milne ka lie Musa cha値e
Ham nashee地 ko dekhne Musa chale
Jab pa稚a us dost ka unko mila
Thi duka地 us admi ki jis jaga
Ja raha tha band karke vo dukaa地
Raat ko thak harke apne makaa地
Uske peeche peeche Musa bhi cha値e
Ta談e un k hamnasheen ka ghar mi値e
Apne ghar me aadmi dakhil hua
Yu地 pata Musa ko uska milgaya
Dusre din hamnasheen k ghar gae
Hazrat e Musa khushi dilme lie
Dar pe dastak di unho地 ne shauq se
Milne ko bechain the vo zauq se
Ham nasheen ne khola darwaza kaha
Kaun hai batlaaiye hai kam kia
Muskurae aur kaha karke salam
Aj laya hun tumhara ik payam
Tumse Milna hai mujhe mard-e-khuda
Dekhne tumko ba壇a be chain tha
Baat ko Musa ki jaise hi suna
Ghar ke andar aaiye unse kaha
Der tak phir guftagu karta raha
Rubaru Musa ke vo baitha raha
Waqt khane ka jo aise me hua
Utha fauran aur un se ye kaha
Ab ijazat dijiye kuch der ki
Aunga ik kaam karke jald hi
Baith ke phir dono khana khaenge
Jo payam aya hai sunte jaenge
Hamnasheen ki ek boodhi si thi maa
Vo bhot kamzor thi aur na tavan
Paao地 the kamzor chalne ke lie
Baithna mushkil tha lamhe k lie
Jhule me rakhe hua tha maa ko vo
Yu地 navazish karta jaise jaan ho vo
Goad me apni uthata maa ko vo
Aur shafaqqat se bithata maa ko vo
Hath se khana khilata maa ko vo
Phir se jhule me litata maa ko vo
Karta tha har kam maa ka shauq se
Dard uska baanttha tha shauq se
Aise hi Musa ne dekha hamanasheen
Karraha hai khidmate madar vahi地
Vo khilake maa ko jo farigh hua
Hath aur chahre ko maa k dhodia
Maa ko jhule me jo rakha piyar se
Fasle pe kuch kharde Musa bhi the
Dekha us manzar ko Musa ne vaha地
Zer lab kuch kahrahi hai uski maa
Baat apne dost se daryaft ki
Kahti hai maa kya ye batlao abhi
Tumne rakha tha use jhule me jab
Kah rahi thi kuch tumhe vo zer-e-lab
Hans ke bola de rahi hai maa dua
Roz-o-shab kahti hai maa mere khuda
Mere bacche ko ye rutba kar ata
Ham nasheen Musa ka jannat me bana
Sunke Musa bat ye kahne lage
Ashk unki ankh se bahne lage
Mai hi Musa hun tumhara hamnasheen
Mai payambar hun jo aya hun yahin
Kuh-e-Toor se laaya hun mai paigam ye
Mujda hai rabb ka tumhare nam ye
Ho tumhi jannat me mere hamnasheen
Ham zabaan ho dost mere tum vaheen
Sunke ye piagam vo aage bardha
Hath ko Musa k ik bosa dia
Khush hue Musa duaen usko di
Aur jaane ki ijazat maangli
Shukr ka sajda ada usne kia
Isse accha dars ye hamko mila
Ae khuda insan ko taufiq de
Farz-e-avval kidmate madar bane

Javab-e-Nabi (S.A.W.)
Paigambar-e-Akram se kisi shakhs ne poocha
Maa baap me hai sabse aham kaun si hasti
Is shaks se farmaya Nabi ne ye javaban
Maa hi to hai, Maa hi to hai, Maa hi to hai apni

   1 2 3 Next ササ  

Copyright ゥ 1998 - 2020 Imam Reza (A.S.) Network, All rights reserved.